Om Swastyastu.

UTANG RING GURU.

Kaping ajeng mantuk ring manggala tim panureksa pacentokan dharmawacana sane wangiang tityang,para atiti sane ledang rauh banget kusumayang tityang, lan para pamilet pacentokan sane taler banget tresna sihin tityang. Mungguing Dharmacana sane pacang aturang tityang malih bosbos wantah mamurda Utang Ring Guru, ingggih ratu ida dane surya gustin tityang mangkin pacang kawitin tityang.

Ekamapyâksharam yastu guruh sisyât prabhodhayet
Prthivyâm nâsti tat dravyam yat dattvâ amim bhavet
(Jnana Sankalini Tantra: 94)

Yadiastu wantah asiki, aksara pangaweruh sane kapicayang ring sisya olih Ida Sang rumaga Guru, yukti tan winilang pikenohnyane, wastu tan wenten sane marupa arta brana sane sida jaga anggen naur.

GURU punika kawyaktiannyane wantah pinaka Manggala Pawedar kapatutan ring Jnyana, Wantah mawit saking Guru Sang Sisya sida ngamolihang pangaweruh, Sang Sisya sane jati nulus, sane misadya nyiagayang dewek ring brata raga lan misadya dados pangayah, kasinahannya tanpa wates kasucian jnyanane pacang kapolihang.

Sakadi ring kawentenan uripe puniki sane sayan – sayan ngebekang ring jagate, makatah yukti indik – indik sane pelajahin sane mawit saking makatah kawit, minekadinnyane saking Yayah Ibu, saking beli utawi mbok, saking ari utawi adi, saking anak alit, saking suitra, saking Guru, saking palemahan, lan sane sewos – sewosan,

Makasami indike punika sampun sida mapaweweh ring kahuripane uniki, punika mahawinan iraga maduwe utang ring indik sane aturang tityang iwawu, rawuhing ring ipun I Aksara sane asiki sane marupa arda swara sida yukti antuk ipun ngentosin panyuksmaning idep I manusa, wenten kruna Ekamapyaksharam sane artos nyane wantah asiki Aksara, nganinin indik artos sane jangkep kasinahang ring cakepan Bhagavad-gita ring wilangan siong olas 19, kasinahannyane utawi satu syllable OM sane pinaka wedding sahananing pangaweruh lan pinaka pralambang Ida Sanghyang Widhi Wasa,

Ring sajeroning pidabdab Yoga lan Tantra, Sang sane pinaka guru mapaweweh ajah – ajah ring para sisya sumangdennya sida nyeliksik lan nyinahang bijaksara Om, tur mangda sida mirengang tanpapegatan jantos ngeranjing ring sajeroning uleng samadi, malarapan antuk aksara utawi suara Om sida ngamolihang kadegdegan wastu sida ngungkabin lawang pikayun sane tunggil jati eling ring niskala. Elinge puniki sida kapolihang rikalaning Guru nuntun I sisya, punika mahawinan I sisya sane nampenin pawewehe puniki maduwe utang sane tan nahenin jaga sida katawur.

Ring sajeroning cakepan Weda utawi ketah kabawosang Kitab Suci Weda, kasinahang wenten lalima pawilangan utange punika, wastu soang – soang manusa mautsaha nawur sakantune maurip. Inggian utange punika minekadi:

1. Dewa Rna, utang ring Ida Sanghyang Widhi Wasa.
2. Rsi Rna, utang ring Ida Sang rumaga Brahmana makemiwah ring Nabe utawi
   Guru.
3. Pitra Rna utang ring Laluhur mawit saking Yayah Ibu jantos ring Lalangit.
4. Nru Rna, Utang ring sesamaning manusa.
5. Bhuta Rna, Utang ring jagat agenge puniki rawuhing ring daging nyane sami.

Dening sapunika wenten lalima pawilangan Yajnya sane sandang patut anggen nawur utange punika. Minekadi :

Dewa Yajnya, aturan sane nulus tanpaleteh manut kadi dresta lan sastra sane sampun kapastikayang.

Rsi Yajnya, inggih punika Ida Sang rumaga Rsi/Pedanda/Bhagawan/Mpu/ utawi sane kabawos Pandita wenang mapaica sasuluh sane nulus tanpaceda ring sang sane nyaratang, sapunika taler sang sane sampun ngamolihang ajah – ajah wenang ngaturang punia saha sadya ngaturang ayah sane nekeng tuas.

Pitra Yajnya, wantah satya bhakti ring kaluarga rawuhing ring laluhur jantos ring Sang Lalangit minekadinnyane melarapan antuk kasidan sane tanpaceda.

Nru utawi Manusa Yajnya, ngemargiang ayahan ring sesamaning manusa utawi saling tulung melarapan manah nirmala tanpa leteh makamiwah ngamargiang pabersihan ring raganing manusa manut ring sastra dresta lan agama.

Bhuta Yajnya, paridabdab sane nekeng tuas mamiara utawi ngemban kawentenan sarwa pranine rawuhing ring palemahannyane saha mangda manut ring kecap sastra lan agama.

Nganinin indik pawilangan utang, utang sane pinih sengka katawur wantah utang ring Sang rumaga Guru utawi nabe. Sadwaning Sang rumaga Sisya prade sayan ngamunggahang ngamolihang kasucian jnyana, sayan ngagengang taler utang Sang rumaga Sisya ring Ida Sang Guru utawi Nabe. Dening sapunika wantah ngaturang ayah pinaka pamurtining bhakti ring Guru utawi Nabe sane nekeng tuas sandang tincapang.

Dening sapunika napike utang iraga punika nenten sida katawur? Yaning sapunika antuk pamuput picayune, ring sajeroning nyinahang indik rena utawi utange punika, rawuhing ring Sang rumaga Guru kasinahannya taler kantun kaiket dening utang ring Naben dane duke riin, sapunika taler ring kawentenan ipun I Pianak kasinahannya tan sida antuk ipun jaga nawur utang toyan susu ibu, yadiastun ma toh pati rikala ngutsahayang! Raris napi piteges nyane?

Indik nawur utang sane pidartayang tityang, kawyaktyannyane nenten ja jaga puput wantah katawur ring Sang sane micayang kemawon, minekadin nyane Ida Sang rumaga Guru utawi dane Sang rumaga Yahah Ibu,